തൃശൂര്‍: ആദ്യ നവമലയാളി ഓണ്‍ലൈന്‍ പുരസ്‌കാരം കവി കെ.ജി. ശങ്കരപ്പിള്ളയ്ക്കു നല്‍കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
50,050 രൂപയും പ്രശസ്തിപത്രവും പുരസ്‌കാരചിത്രവും ഉള്‍പ്പെടുന്നതാണ് അവാര്‍ഡ്. ഫെബ്രുവരി 12 ന് സാഹിത്യ അക്കാദമിയില്‍ നടക്കുന്ന ചടങ്ങില്‍ എം.എ ബേബി പുരസ്‌കാരം സമ്മാനിക്കും. 35 വയസില്‍ താഴെയുള്ളവര്‍ക്ക് നല്‍കുന്ന യുവ കവിതാ പുരസ്‌കാരം കെ.എം. പ്രമോദിന് ലഭിച്ചു.
10,010 രൂപയും പുരസ്‌കാര ചിത്രവുമാണ് അവാര്‍ഡ്. ആന്റോ സെബിന്‍, എന്‍.യു സജീവ് എന്നിവര്‍ രണ്ടും മൂന്നും സ്ഥാനങ്ങള്‍ക്ക് അര്‍ഹരായി. രണ്ടും മൂന്നും സ്ഥാനം നേടിയവര്‍ക്ക് യഥാക്രമം 5,005 രൂപയും 3,003 രൂപയുമാണ് പുരസ്‌കാരം. . വാര്‍ത്താസമ്മേളനത്തില്‍ പി.എന്‍ ഗോപീകൃഷ്ണന്‍, മുരളി വെട്ടത്ത്, പി.ടി രാമചന്ദ്രന്‍, കെ. അബ്ദുള്‍ ഗഫൂര്‍ പങ്കെടുത്തു.