ഇസ്‌ലാമാബാദ്: പാകിസ്താനില്‍ ഈദ്ഗാഹ് മാര്‍ക്കറ്റിലുണ്ടായ സ്‌ഫോടനത്തില്‍ 22 പേര്‍ കൊല്ലപ്പെട്ടു. ദക്ഷിണ പെഷാവറിലെ പരാചിനാര്‍ മേഖലയിലാണ് സ്‌ഫോടനം നടന്നത്. 87ഓളം പേര്‍ക്ക് പരുക്കേറ്റിട്ടുണ്ട്. ഇതില്‍ പലരുടെയും നില ഗുരുതരമാണ്. ശീഈ വിഭാഗക്കാര്‍ കൂടുതലായിട്ടുള്ള മേഖലയാണ് പരാചിനാര്‍.
സ്‌ഫോടനത്തിന്റെ ഉത്തരവാദിത്തം ഭീകരസംഘടനയായ തെഹരീകെ താലിബാന്‍ ഏറ്റെടുത്തു. പാകിസ്താന്‍ സമയം രാവിലെ 8.50 ഓടെയാണ് സ്‌ഫോടനം നടന്നത്. റിമോട്ട് കണ്‍ട്രോള്‍ ബോംബാണ് പൊട്ടിത്തെറിച്ചതെന്ന് പൊലിസ് വ്യക്തമാക്കി. മാര്‍ക്കറ്റില്‍ ഏറ്റവുമധികം തിരക്കുള്ള സമയമായതിനാല്‍ മരണസംഖ്യ കൂടാനിടയുണ്ടെന്നും പൊലിസ് പറഞ്ഞു.