സാന്‍ജോസ്: കോസ്റ്ററിക്കയില്‍ വിമാനം തര്‍ന്ന് 12 മരണം. 12 പേരുമായി പോകുകയായിരുന്ന സ്വകാര്യ വിമാനമാണ് മലനിരകളില്‍ വീണ് തകര്‍ന്നത്.
മരിച്ചവരില്‍ 10 പേര്‍ യു.എസ് പൗരന്മാരും രണ്ടുപേര്‍ കോസ്റ്ററിക്കന്‍ പൗരന്മാരുമാണ്. വിമാനത്തിലുണ്ടായിരുന്നവരില്‍ എല്ലാവരും കൊല്ലപ്പെട്ടതായാണു വിവരം. സുരക്ഷാ മന്ത്രി ഗുസ്താവോ മാട്ടയാണ് ഇക്കാര്യം അറിയിച്ചത്. തലസ്ഥാനമായ സാന്‍ജോസില്‍നിന്ന് വിനോദസഞ്ചാരകേന്ദ്രമായ പുന്റ ഇറ്റ്‌ലിസ്റ്റയിലേക്ക് പുതുവര്‍ഷം ആഘോഷിക്കാനായി പോയവരാണ് വിമാനാപകടത്തില്‍പെട്ടത്.
കോസ്റ്ററിക്കയുടെ ആഭ്യന്തര വിമാന കമ്പനിയായ നേച്ചര്‍ എയറിന്റെ വിമാനമാണ് തകര്‍ന്നുവീണത്. അപകടകാരണം അന്വേഷിച്ചുവരികയാണ്.