മുക്കം: ആനയാംകുന്ന് ഹയര്‍ സെക്കന്‍ഡറി സ്‌കൂളിലെ സ്റ്റുഡന്റ് പൊലിസ് കേഡറ്റുകള്‍ക്കായി നടത്തിയ ക്രിസ്മസ് അവധിക്കാല ക്യാംപ് സമാപിച്ചു. സമാപന സെഷന്‍ മുക്കം നഗരസഭാ സെക്രട്ടറി എന്‍.കെ ഹരീഷ് ഉദ്ഘാടനം ചെയ്തു. വിവിധ വിഷയങ്ങളിലായി എന്‍.കെ ഹരീഷ്, എ.പി മുരളീധരന്‍, അബ്ദുസ്സലാം നീലേശ്വരം, യു.പി അബ്ദുല്‍ ഹമീദ്, രത്‌ന രാജേഷ്, സിവില്‍ പൊലിസ് ഓഫിസര്‍ ഷമീര്‍ എന്നിവര്‍ ക്ലാസെടുത്തു. തുടര്‍ന്ന് കേഡറ്റുകളുടെ കലാപരിപാടികളും നടന്നു. എം.പി മജീദ്, തോമസ് മാത്യു, പി.കെ ശരീഫുദ്ദീന്‍ ടി. സത്യഭാമ, കെ. അബ്ദുസ്സലാം, ഇജാസ് അഹമ്മദ്, സഫിയ കക്കാട് സംസാരിച്ചു. സി.പി.ഒ ഇസ്ഹാഖ് കാരശ്ശേരി സ്വാഗതവും എ.സി.പി ഒ. ജസീല നന്ദിയും പറഞ്ഞു.