ഓമശ്ശേരി: മങ്ങാട് ശംസുല്‍ ഉലമാ ഇസ്‌ലാമിക് കള്‍ച്ചറല്‍ സെന്റര്‍ കമ്മിറ്റി സംഘടിപ്പിക്കുന്ന ശംസുല്‍ ഉലമാ ആണ്ടുനേര്‍ച്ചയ്ക്കും മജ്‌ലിസുന്നൂര്‍ വാര്‍ഷികത്തിനും തുടക്കമായി. ഇന്നലെ നടന്ന മതപ്രഭാഷണം ഫൈസല്‍ ഫൈസി കൂടത്തായി ഉദ്ഘാടനം ചെയ്തു. മുഹമ്മദ് സ്വാലിഹ് ഹുദവി വളാഞ്ചേരി പ്രഭാഷണം നടത്തി. ഇന്ന് റഹ്മത്തുല്ലാ ഖാസിമി മൂത്തേടം പ്രഭാഷണം നടത്തും. നാളെ നടക്കുന്ന ആത്മീയ സമ്മേളനം സമസ്ത മുശാവറ അംഗം ഉമര്‍ ഫൈസി മുക്കം ഉദ്ഘാടനം ചെയ്യും. പ്രാര്‍ഥനാ സംഗമത്തിന് ഉമര്‍ മുസ്‌ലിയാര്‍ കിഴിശ്ശേരി നേതൃത്വം നല്‍കും. സി.കെ അഹമ്മദ് കുട്ടി ഫൈസി, എം.പി ഇബ്‌റാഹിം കുട്ടി ഹാജി, എം. ഹുസൈന്‍ ഹാജി, എം.ടി ഹംസ, പി. മഹ്മൂദ് ഹാജി, ടി.പി അബു ഹാജി, മുഹമ്മദ് ഫൈസി, എം. ഉമര്‍ ഫൈസി, സി.കെ അബ്ദുല്‍ ലത്തീഫ് ഫൈസി സംബന്ധിക്കും.