പാണ്ടിക്കാട്: പാണ്ടിക്കാട് ട്രാഫിക് ജങ്ഷനില്‍ വീണ്ടും വാഹനാപകടങ്ങള്‍. വെള്ളിയാഴ്ച രാത്രി 11.30ഓടെ ചരക്ക് ലോറിക്കടിയിലേക്കു കാര്‍ പാഞ്ഞുകയറിയതിനെ തുടര്‍ന്നു ലോറിയുടെ ഡീസല്‍ ടാങ്ക് ചോര്‍ന്നു. നാട്ടുകാരുടെയും മോട്ടോര്‍ തൊഴിലാളികളുടെയും അവസരോചിത ഇടപെടലാണ് ദുരന്തം ഒഴിവാക്കിയത്.
ഇന്നലെ പുലര്‍ച്ചെ അലനല്ലൂര്‍ സ്വദേശിയുടെ കാറും പെരിന്തല്‍മണ്ണ ഭാഗത്തുനിന്നു വരികയായിരുന്ന കാറും കൂട്ടിയിടിച്ചാണ് രണ്ടാമത്തെ അപകടം. ഇടിയുടെ ആഘാതത്തില്‍ അലനല്ലൂര്‍ സ്വദേശിയുടെ വാഹനം അകലേക്കു തെറിച്ചു. എങ്കിലും നിസാര പരുക്കോടെ രക്ഷപ്പെട്ടു.