തൊടുപുഴ: പെരുമ്പിള്ളിച്ചിറ മുഹിയിദ്ദീന്‍ ജുമാമസ്ജിദ്് പരിപാലന സമിതിയിലേക്ക് നടന്ന തെരഞ്ഞെടുപ്പില്‍ സമസ്ത അനുകൂല പാനലിന് ഉജ്വല വിജയം. മത്സരിച്ച 11 പേരും തെരഞ്ഞെടുക്കപ്പെട്ടു.
സമസ്തയ്‌ക്കെതിരെ മഹല്ല് ഐക്യവേദിയുടെ പേരില്‍ 'ബിദ്ഇ' മുന്നണിയുമായി രംഗത്തെത്തിയ കാന്തപുരം വിഭാഗത്തിന്റെ പാനലിനെയാണ് സുലൈമാന്‍ വെട്ടിക്കല്‍, സി.എം. റഹീം എന്നിവര്‍ നേതൃത്വം നല്‍കിയ സമസ്ത അനുകൂല പാനല്‍ പരാജയപ്പെടുത്തിയത്.
എം.എം. അബ്ദുല്‍ കരീം, ടി.ഇ. അബ്ബാസ്, ഉബൈസ്് കല്ലുംപുറത്ത്, ജബ്ബാര്‍ കലയത്തിങ്കല്‍, നാസര്‍ അലിയാര്‍, കെ.എസ്. മജീദ്, ടി.എ. മുഹമ്മദ് നിസാര്‍, സി.എസ്. ഷെമീര്‍, വി.എ. സുലൈമാന്‍, സി.ഐ. ഹുസന്‍കുട്ടി, സി.എം. റഹിം എന്നിവരാണ് തെരഞ്ഞെടുക്കപ്പെട്ടത്.
മുജാഹിദ് അടക്കമുള്ള ബിദ്ഇ പ്രസ്ഥാനങ്ങളുമായി കൂട്ടുചേര്‍ന്നാണ്് കാന്തപുരം വിഭാഗം അവിശുദ്ധ മുന്നണിയുണ്ടാക്കിയത്.
നിലവിലുണ്ടായിരുന്ന സമസ്ത അനുകൂല ഭരണസമിതിക്കെതിരെ ഒളിഞ്ഞും തെളിഞ്ഞും പ്രശ്‌നമുണ്ടാക്കിയിരുന്നവരെയാണ് തെരഞ്ഞെടുപ്പിലൂടെ വിശ്വാസികള്‍ തള്ളിക്കളഞ്ഞിരിക്കുന്നത്. തെരഞ്ഞെടുപ്പിനു ശേഷവും കാന്തപുരം വിഭാഗം പ്രശ്‌നങ്ങള്‍ സൃഷ്ടിക്കാന്‍ ശ്രമിച്ചെങ്കിലും സമസ്തയുടെ അവസരോചിത ഇടപെടല്‍ മൂലം രംഗം ശാന്തമാകുകയായിരുന്നു.