കൊണ്ടോട്ടി: വിദ്യാഭ്യാസത്തിന്റെ കാവലാളാവുക എന്ന മുദ്രാവാക്യമുയര്‍ത്തി എം.എസ്.എഫ് കൊണ്ടോട്ടി മണ്ഡലം സമ്മേളനവും റാലിയും ഇന്ന് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. വൈകിട്ട് മൂന്നിന് കുറുപ്പത്ത് നിന്നാംരഭിക്കുന്ന പ്രകടനത്തില്‍ അയ്യായിരത്തിലേറെ വിദ്യാര്‍ഥികള്‍ പങ്കെടുക്കും.
കൊണ്ടോട്ടിയിലെ പെരിങ്ങാവ് മൂസ നഗരിയില്‍ നടക്കുന്ന പൊതുസമ്മേളനം സംസ്ഥാന പ്രസിഡന്റ് മിസ്ഹബ് കീഴരിയൂര്‍ ഉദ്ഘാടനം ചെയ്യും. യൂത്ത് ലീഗ് ദേശീയ പ്രസിഡന്റ് സാബിര്‍ ഗഫാര്‍, എം.എസ്.എഫ് ദേശീയ പ്രസിഡന്റ് ടി.പി അശ്‌റഫലി, ടി.വി ഇബ്രാഹീം എം.എല്‍.എ, അഡ്വ.എന്‍.ഷംസുദ്ദീന്‍ എം.എല്‍.എ, സി.പി സൈതലവി, എന്‍.എ കരീം, പി.വി അഹമ്മദ് സാജു, പി.കെ.സി അബ്ദുറഹ്മാന്‍, പി.എ ജബ്ബാര്‍ഹാജി, അശ്‌റഫ് മടാന്‍ സംസാരിക്കും.
വാര്‍ത്താസമ്മേളനത്തില്‍ എന്‍.എ കരീം, കബീര്‍ മുതുപറമ്പ്, ബഷീര്‍ കോപ്പിലാന്‍, അഷ്‌ക്കര്‍ നെടിയിരുപ്പ്, ജാബിര്‍ പൊന്നാട്, കെ.എം ഇസ്മാഈല്‍, നവാസ് ശരീഫ്, ഷാഹുല്‍ ഹമീദ്, സാദിഖ് വാഴക്കാട് സംബന്ധിച്ചു.