കൊപ്പം: പ്രതീക്ഷകള്‍ക്ക് ചായം പകര്‍ന്ന് കുഞ്ഞുങ്ങളുടെ കൂട്ട ചിത്രം വര വരച്ച് പുതുവര്‍ഷത്തെ വരവേറ്റു. വിളയൂര്‍ കുപ്പൂത്ത് യൂനിയന്‍ എ.എല്‍.പി.സ്‌കൂളാണ് വ്യത്യസ്തമായ പരിപാടിയുമായി 2018 നെ വരവേറ്റത്. രാവിലെ സ്‌കൂള്‍ അസംബ്ലി ചേര്‍ന്ന് പുതുവര്‍ഷ സന്ദേശം കൈമാറി സി.കെ പ്രിയ കുഞ്ഞുവരയുടെ ഉദ്ഘാടനം നിര്‍വഹിച്ചു. വിടര്‍ന്നു വരുന്ന പുഷ്പത്തിന്റെ രേഖാചിത്രം വരച്ച് ആശംസയുമര്‍പ്പിച്ചു. തുടര്‍ന്ന് പ്രധാനാധ്യാപകന്‍ സി. മോഹനദാസനും സഹാധ്യാപകരും കൂട്ട ചിത്രം വരയില്‍ പങ്കാളികളായി. പിന്നീട് എല്ലാ ക്ലാസുകളിലും ചിത്രം വരച്ച് പൊതുപ്രദര്‍ശനം നടത്തി.
ഉഷ.ബി.നായര്‍, എ.വി. പുഷ്പജ, കെ. കാവേരി, ഒ.ടി. സഫീല, പി. നിഷ, കെ.പി. അനില്‍കുമാര്‍, വി.പി. കൃഷ്ണപ്രസാദ്, ടി. അഷ്‌റഫ്, സി. വിനോദ് നേതൃത്വം നല്‍കി.