മുക്കം: വിനോദ നികുതി സീല്‍ പതിക്കാത്ത ടിക്കറ്റുകള്‍ വിതരണം നടത്തിയ മുക്കത്തെ തിയറ്ററുകള്‍ക്കെതിരേ നഗരസഭ നടപടിയെടുത്തു.
മുക്കം റോസ്, ലിറ്റില്‍ റോസ് തിയറ്റര്‍ എന്നിവിടങ്ങളില്‍ നിന്ന് വിനോദനികുതി സീല്‍ പതിക്കാത്ത ടിക്കറ്റുകള്‍ അധികൃതര്‍ കണ്ടെടുത്തു. രഹസ്യ വിവരത്തെ തുടര്‍ന്നു നഗരസഭ സെക്രട്ടറി എന്‍.കെ ഹരീഷും സംഘവും നടത്തിയ പരിശോധനയിലാണ് ക്രമക്കേട് കണ്ടെത്തിയത്. ക്രമക്കേട് കണ്ടെത്തിയ ഷോ ഹൗസ് ഫുള്ളായി കണക്കാക്കി മുഴുവന്‍ ടിക്കറ്റുകള്‍ക്കും നികുതി ഈടാക്കാന്‍ സെക്രട്ടറി ഉത്തരവിട്ടു.
സെക്രട്ടറിക്കൊപ്പം ജൂനിയര്‍ സൂപ്രണ്ട് ഗിരീഷ്, ക്ലാര്‍ക്കുമാരായ എന്‍.എസ് സാജന്‍, ബിനോരാജ് എന്നിവരും പരിശോധനയില്‍ പങ്കെടുത്തു.