കണ്ണൂര്‍: കണ്ണോത്തുംചാലില്‍ സി.പി.എം ഓഫിസിനു നേരെ ബോംബേറ്. കണ്ണോത്തുംചാല്‍ ബ്രാഞ്ച് ഓഫിസായ അഴീക്കോടന്‍ മന്ദിരത്തിനുനേരെയാണ് ബോംബേറുണ്ടായത്. ഇന്നലെ പുലര്‍ച്ചെ പന്ത്രണ്ടരയോടെയായിരുന്നു സംഭവം. രണ്ടു നാടന്‍ ബോംബുകളാണ് എറിഞ്ഞത്. ഓഫിസിന്റെ വാതില്‍ തകര്‍ന്നു.
ബൈക്കിലെത്തിയ രണ്ടംഗസംഘമാണ് അക്രമം നടത്തിയതെന്നു ടൗണ്‍ പൊലിസില്‍ നല്‍കിയ പരാതിയില്‍ വ്യക്തമാക്കി. ഓഫിസ് എല്‍.ഡി.എഫ് തെരഞ്ഞെടുപ്പ് കമ്മിറ്റി ഓഫിസായും പ്രവര്‍ത്തിച്ചിരുന്നു. പൊലിസ് അന്വേഷണം തുടങ്ങി.