ഊട്ടി: നീലഗിരി ജില്ലയിലെ പ്രധാന വിനോദസഞ്ചാര കേന്ദ്രമായി ഊട്ടിയില്‍ ഒരു വര്‍ഷത്തിനിടെ എത്തിയത് 25 ലക്ഷത്തിലധികം സഞ്ചാരികള്‍.
2017 ജനുവരി മുതല്‍ ഡിസംബര്‍ വരെ 25, 53 ,635 പേരാണ് ഊട്ടി സന്ദര്‍ശിച്ചത്. 2016നേക്കാള്‍ രണ്ടു ലക്ഷത്തിനടുത്ത് സഞ്ചാരികളുടെ വര്‍ധനവാണുണ്ടായത്. എന്നാല്‍ ഇത്രയധികം സഞ്ചാരികളെത്തിയിട്ടും ഇവര്‍ക്കായുള്ള അടിസ്ഥാന സൗകര്യങ്ങള്‍ ഒരുക്കുന്നതില്‍ അധികൃതര്‍ പരാജയമാണ്.
ഊട്ടി ബൊട്ടാണിക്കല്‍ ഗാര്‍ഡന്റെ വികസനത്തിന് സര്‍ക്കാര്‍ 8 കോടിഅനുവദിച്ചിട്ടുണ്ടെങ്കിലും കാര്യമായ വികസന പ്രവൃത്തികളൊന്നും ഇതുവരെ നടന്നിട്ടില്ല. അടിസ്ഥാന സൗകര്യങ്ങള്‍ മെച്ചപ്പെടുത്താന്‍ അടിയന്തര നടപടിയുണ്ടാകണമെന്നാവശ്യം ശക്തമായിരിക്കുകയാണ്.