ചങ്ങരംകുളം: മാന്തടത്ത് സംസ്ഥാന പാതയില്‍ ബൈക്കില്‍ കാറിടിച്ച് ഇതര സംസ്ഥാന തൊഴിലാളിയായ ബൈക്ക് യാത്രികന് ഗുരുതരമായി പരുക്കേറ്റു. മധ്യപ്രദേശ് സ്വദേശി കമലി(35)നെയാണ് ഗുരുതരമായ പരുക്കുകളോടെ ചങ്ങരംകുളം സണ്‍റൈസ് ആശുപത്രിയില്‍ പ്രവേശിപ്പിച്ചത്.
ചങ്ങരംകുളം പൊലിസ് സ്റ്റേഷന് സമീപം കഴിഞ്ഞ ദിവസം രാത്രി എട്ടോടെയാണ് അപകടം. മദ്യപിച്ച് കാര്‍ ഓടിച്ചതിനാലാണ് കാര്‍ ബൈക്കില്‍ ഇടിച്ച് അപകടം ഉണ്ടാകാന്‍ കാരണം.
കാര്‍ ഓടിച്ച തിരൂര്‍ സ്വദേശിയെ ചങ്ങരംകുളം പൊലിസ് കസ്റ്റഡിയിലെടുത്തു. പരുക്ക് ഗുരുതരമായതിനാല്‍ വിദഗ്ധരുടെ ചികിത്സക്കായി ബന്ധുക്കള്‍ എത്തിയാല്‍ കൊണ്ടുപോയേക്കും.