തൃശൂര്‍: സംസ്ഥാന സ്‌കൂള്‍ കലോത്സവത്തിന്റെ പ്രധാനവേദിയായ നീര്‍മാതളത്തിന്റെ സമര്‍പ്പണം ഇന്ന് രാവിലെ 8.30 ന് നടക്കും. പന്തല്‍ കമ്മിറ്റി ചെയര്‍മാന്‍ അനില്‍ അക്കര എം.എല്‍.എ പന്തലിന്റെ ചെറുമാതൃക കൃഷി വകുപ്പു മന്ത്രി അഡ്വ. വി എസ് സുനില്‍കുമാറിന് കൈമാറും. തുടര്‍ന്ന് വിദ്യാഭ്യാസ വകുപ്പു മന്ത്രി പ്രൊഫ. സി രവീന്ദ്രനാഥ് കലോത്സവത്തിനായി വേദി സമര്‍പ്പിക്കും. സ്വിച്ച് ഓണ്‍ കര്‍മം വ്യവസായ വകുപ്പു മന്ത്രി എ.സി മൊയ്തീന്‍ നിര്‍വഹിക്കും.