തിരുവനന്തപുരം: കെ.എസ്.ആര്‍.ടി.സിയെ മൂന്നു വര്‍ഷത്തിനുള്ളില്‍ ലാഭത്തിലാക്കാന്‍ സമഗ്രപാക്കേജുമായി സര്‍ക്കാര്‍. 10,000 രൂപക്ക് താഴെ വരുമാനമുള്ള സര്‍വിസുകള്‍ നിര്‍ത്തും. സര്‍ക്കാര്‍ നല്‍കിയ വായ്പകള്‍ എഴുതിത്തള്ളും. മാനേജ്‌മെന്റിലും ജീവനക്കാരുടെ ജോലി ക്രമത്തിലും കാതലായ അഴിച്ചുപണിയുണ്ടാകുമെന്ന് ധനമന്ത്രി തോമസ് ഐസക്ക് പറഞ്ഞു. സി.ഐ.ടി.യു സംഘടിപ്പിച്ച കെ.എസ്.ആര്‍.ടി.സി ജീവനക്കാരുടെ സ്‌പെഷല്‍ കണ്‍വന്‍ഷനിലായിരുന്നു പുനരുദ്ധാരണ പാക്കേജ് പ്രഖ്യാപിച്ചത്.
ശമ്പളവും പെന്‍ഷനും നല്‍കാന്‍ ആറുമാസത്തിനുള്ളില്‍ കെ.എസ്.ആര്‍.ടി.സി സ്വയംപര്യാപ്തമാകുമെന്ന് ധനമന്ത്രി പറഞ്ഞു. ഇതിന് സര്‍ക്കാരിന്റെ സഹായം ഉണ്ടാകും. സ്വകാര്യമേഖലയുമായി മത്സരിക്കാന്‍ മാനേജ്‌മെന്റില്‍ സമഗ്ര അഴിച്ചുപണിയുണ്ടാകും. മേല്‍ത്തട്ടിലുള്ള താക്കോല്‍ സ്ഥാനങ്ങളില്‍ നേരിട്ടുള്ള നിയമനം നടത്തും. ജീവനക്കാരുടെ ഡ്യൂട്ടി സമ്പ്രദായത്തിലും ബസുകളുടെ സമയക്രമത്തിലും മാറ്റമുണ്ടാ
കും. വായ്പയെടുത്ത് നിര്‍മിച്ചിട്ടും ഇപ്പോഴും ഉപയോഗിക്കാതെ കിടക്കുന്ന കെട്ടിടങ്ങളെ കാര്യത്തിലും തീരുമാനമുണ്ടാകും. പൂര്‍ണമായും കംപ്യൂട്ടര്‍വല്‍ക്കരിക്കും. മൂന്നുവര്‍ഷത്തിനുള്ളില്‍ 1000 സി.എന്‍.ജി ബസുകള്‍ കിഫ്ബി വഴി വാങ്ങി നല്‍കും. സര്‍ക്കാര്‍ വായ്പകളെല്ലാം എഴുതിത്തള്ളും. കെ.എസ്.ആര്‍.ടി.സിയെ കുറിച്ച് പഠിച്ച സുശീല്‍ഖന്ന റിപ്പോര്‍ട്ടിന്റെ അടിസ്ഥാനത്തില്‍ തയാറാക്കിയ പാക്കേജാണ് സി.ഐ.ടി.യു സംഘടിപ്പിച്ച കണ്‍വന്‍ഷനില്‍ ധനമന്ത്രി അവതരിപ്പിച്ചത്.