ന്യൂഡല്‍ഹി: അടുത്ത മാസം 24 മുതല്‍ നടക്കുന്ന ഐ.എസ്.എസ്.എഫ് ലോകകപ്പ് ഷൂട്ടിങിനുള്ള ഇന്ത്യന്‍ ടീമിനെ പ്രഖ്യാപിച്ചു. ഒളിംപ്യന്‍മാരായ മാനവ്ജീത് സിങ് സന്ധു, അയോനിക പോള്‍, അപൂര്‍വി ചന്ദേല എന്നിവര്‍ക്ക് ടീമിലിടം ലഭിച്ചില്ല. അഭിനവ് ബിന്ദ്ര വിരമിച്ചതിനു ശേഷം ഇന്ത്യയിറങ്ങുന്ന പ്രധാന ടൂര്‍ണമെന്റാണ് ലോകകപ്പ്. ടീമില്‍ പുതുമുഖങ്ങള്‍ക്കാണ് അവസരം നല്‍കിയത്. ഒളിംപ്യന്‍മാരായ ഗഗന്‍ നരംഗ്, ഹീന സിദ്ധു എന്നിവര്‍ ഒറ്റ ഇനത്തില്‍ മത്സരിക്കാനിറങ്ങും.