കല്‍പ്പറ്റ: ഫെബ്രുവരി 9, 10 തിയതികളില്‍ പുല്‍പ്പള്ളി പഴശ്ശിരാജ കോളജില്‍ 'ടര്‍കോയിസ് 2കെ18' ഫിലിം ആന്റ് ഡ്രാമ കോംബോ ഫെസ്റ്റ് നടത്തുന്നു. ഫെസ്റ്റിന്റെ ലോഗോ പ്രകാശനം തിരുവനന്തപുരത്ത് സംവിധായകരും നടനുമായ കമലും ദിലീഷ് പോത്തനും ചേര്‍ന്ന് നിര്‍വഹിച്ചു.
രണ്ട് ദിവസമായി നടക്കുന്ന പരിപാടിയില്‍ കേരളത്തിലും പുറത്തുമുള്ള മുന്നോറോളം വിദ്യാര്‍ഥികള്‍ പങ്കെടുക്കും.
ഫെസ്റ്റിനോട് അനുബന്ധിച്ച് നടക്കുന്ന വിവിധ മത്സരങ്ങള്‍ക്ക് ക്യാഷ് പ്രൈസും സമ്മാനിക്കും. അവസാന ദിവസം നടക്കുന്ന കള്‍ച്ചര്‍ നൈറ്റ് ആന്റ് അവാര്‍ഡ്ദാന ചടങ്ങില്‍ സിനിമ പിന്നണി പ്രവര്‍ത്തകരും സംബന്ധിക്കുമെന്ന് പിന്നണി പ്രവര്‍ത്തകരായ എ.കെ.പി ജുനൈദ്, ആല്‍വിന്‍ സണ്ണി, അമല്‍ ജോസ്, ശരണ്യ സുബ്രന്‍, അശ്വനി പുഷ്പാകാരന്‍, ദിവ്യ വിജയന്‍, സജില്‍ ലാല്‍, നിജയ് വിജയന്‍ അറിയിച്ചു. ഫോണ്‍: 8129142002, 9961567126.