കൂത്തുപറമ്പ്: അഞ്ചരക്കണ്ടി, വെണ്‍മണല്‍ ഭാഗങ്ങളില്‍ ആയുധങ്ങള്‍ക്കും സ്‌ഫോടകവസ്തുക്കള്‍ക്കുമായി പൊലിസ് റെയ്ഡ് നടത്തി. ബോംബ് സ്‌ക്വാഡിന്റെ സഹായത്തോടെ കൂത്തുപറമ്പ് അഡീഷണല്‍ എസ്.ഐ മനുവിന്റെ നേതൃത്വത്തിലായിരുന്നു ഇന്നലെ രാവിലെ റെയ്ഡ് നടത്തിയത്. എന്നാല്‍ റെയ്ഡില്‍ ഒന്നും കണ്ടെത്താനായില്ല. അതേസമയം കഴിഞ്ഞദിവസം വെണ്‍മണലില്‍ വച്ച് സ്റ്റീല്‍ ബോംബാണെന്നു കരുതി പൊലിസ് കസ്റ്റഡിയിലെടുത്ത വസ്തു ബോംബെല്ലെന്നു പരിശോധനയില്‍ വ്യക്തമായി. വെണ്‍മണലിലെ ഒരുകടയുടെ പിറകില്‍ കാടു വൃത്തിയാക്കുന്നവരാണു ബോംബെന്നു കരുതുന്ന വസ്തു കണ്ടെത്തിയത്. പൊലിസ് കസ്റ്റഡിയിലെടുത്ത് സ്റ്റേഷനിലെത്തിച്ച വസ്തു ഇന്നലെ രാവിലെ ബോംബ് സ്‌ക്വോഡ് എത്തി പരിശോധിച്ചപ്പോഴാണു പൂഴി നിറച്ച പ്ലാസ്റ്റിക്ക് ഡബ്ബയാണിതെന്നു മനസിലായത്.