കാഞ്ഞങ്ങാട്: ആസ്വാദക ഹൃദയം കീഴടക്കി സംസ്ഥാന സ്‌കൂള്‍ കലോല്‍സവത്തില്‍ ഹൈസ്‌കൂള്‍ വിഭാഗം ഖുര്‍ആന്‍ പാരായണത്തില്‍ അബ്ദുല്‍ മുഹൈമിന്‍ മുഹമ്മദിന് എ ഗ്രേഡോടെ ഒന്നാംസ്ഥാനം.
കാഞ്ഞങ്ങാട് അജാനൂര്‍ ഇഖ്ബാല്‍ ഹയര്‍ സെക്കന്‍ഡറി സ്‌കൂളില്‍ പത്താംക്ലാസ് വിദ്യാര്‍ഥിയായ മുഹൈമിനു ഖുര്‍ആന്‍ മനഃപാഠമാണ്. ഖുര്‍ആന്‍ മനപാഠമാക്കിയ കുടുംബത്തില്‍ പിറന്ന മുഹൈമിന്‍ ബാല്യകാലത്ത് ദുബൈയില്‍ ആയിരുന്നപ്പോഴാണ് ഖുര്‍ആന്റെ സംഗീതാത്മക ശൈലി സ്വായത്തമാക്കിയത്.
ദുബൈ ദേരയില്‍ ഇമാമായ പിതാവ് മുഹമ്മദ് മൗലവിയും ഹാഫിസാണ്. ആദ്യമായി സംസ്ഥാന സ്‌കൂള്‍ കലോത്സവ വേദിയിലെത്തിയ മുഹൈമിന്‍ സൂറത്ത് യൂനുസ് പാരായണം ചെയ്താണ് വിജയിയായത്. കണ്ണൂര്‍ ചപ്പാരപ്പടവ് പെരുമളാബാദ് സ്വദേശിയാണ്.