പട്ടാമ്പി: പട്ടിക്കാട് ജാമിഅ നൂരിയ്യ സയ്യിദ് മുഹമ്മദലി ശിഹാബ് തങ്ങള്‍ സെന്റര്‍ ഫോര്‍ ഇസ്്‌ലാമിക് സ്റ്റഡീസ് മികച്ച ഖത്തീബുമാര്‍ക്ക് നല്‍കുന്ന ക്വാളിറ്റി സര്‍ട്ടിഫിക്കറ്റ് ആമയൂര്‍ ജുമാമസ്ജിദ് ഖത്തീബ് സയ്യിദ് അബ്ദുറഹിമാന്‍ ജിഫ്രി തങ്ങള്‍ ഇന്ന് ഏറ്റുവാങ്ങും. ആമയൂര്‍ ജുമാമസ്ജിദ് ഉദ്ഘാടനത്തോടനുബന്ധിച്ച് നടക്കുന്ന ചടങ്ങില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ അവാര്‍ഡ് നല്‍കും. ഒന്നര പതിറ്റാണ്ട് ആമയൂര്‍ ജുമാ മസജിദില്‍ ഖത്തീബായും മുദരിസായും മികച്ച സേവനം നടത്തുന്ന സയ്യിദ് അബ്ദുറഹ്മാന്‍ ജിഫ്രി തങ്ങള്‍ സമസ്ത കേന്ദ്ര മുശാവറ അംഗം സയ്യിദ് കെ.പി.സി.തങ്ങള്‍ വല്ലപ്പുഴയുടെ മകനാണ്. എസ്.കെ.എസ്.എസ്.എഫ് ജില്ല പ്രസിഡണ്ടായിരുന്നു. ഇപ്പോള്‍ എസ്.വൈ.എസ് പട്ടാമ്പി മണ്ഡലം പ്രസിഡണ്ട് ജംഇയ്യത്തുല്‍ മുദരി സീന്‍ ജില്ല പ്രസിഡണ്ട് എന്നീ ചുമതലകള്‍ വഹിക്കുന്നു.