കോഴിക്കോട്: മലബാര്‍ മൂവീ ഫെസ്റ്റിവല്‍ നാളെമുതല്‍ 29വരെ കൊയിലാണ്ടിയില്‍ നടക്കും. മുനിസിപ്പല്‍ ടൗണ്‍ഹാളില്‍  നാളെ വൈകിട്ട് അഞ്ചിന് നോവലിസ്റ്റ് സി.വി ബാലകൃഷ്ണന്‍ ഉദ്ഘാടനം ചെയ്യും.വിധുവിന്‍സെന്റിന്റെ മാന്‍ഹോളാണ് ഉദ്ഘാടന ചിത്രം. മലായാളം, ഹിന്ദി,  ഇറാന്‍, ഫ്രാന്‍സ്, ഹോളണ്ട്, സ്‌പെയിന്‍ തുടങ്ങിയ രാജ്യങ്ങളിലെ സിനിമകളാണ് പ്രദര്‍ശിപ്പിക്കുക.  ഓപ്പന്‍ ഫോറം, അനുസ്മരണം, പുസ്തക പ്രദര്‍ശനം തുടങ്ങിയവയും ഇതിന്റെ ഭാഗമായി നടക്കും. ടിക്കറ്റ്  അടിസ്ഥാനത്തിലാണ് പ്രദര്‍ശനം. പത്രസമ്മേളനത്തില്‍  ആദി ഫൗണ്ടേഷന്‍  ചെയര്‍മാന്‍, യു.ഉണ്ണികൃഷ്ണന്‍, സെക്രട്ടറി കെ.വി സുധീര്‍ എന്നിവര്‍ സംബന്ധിച്ചു.