മാനന്തവാടി: ഈസ്റ്റ് പാലമുക്ക് മഹല്ല് കമ്മിറ്റി, ഓള്‍ കേരള കെമിസ്റ്റ്‌സ് ആന്‍ഡ് ഡ്രഗ്ഗിസ്റ്റ് അസോസിയേഷന്‍ ജില്ലാ കമ്മിറ്റി ഡി.എം വിംസ് മെഡിക്കല്‍ കോളജ് എന്നിവയുടെ സംയുക്ത ആഭിമുഖ്യത്തില്‍ സൗജന്യ മെഗാ മെഡിക്കല്‍ ക്യാംപ് സംഘടിപ്പിച്ചു. ഈസ്റ്റ് പാലമുക്ക് ഹയാത്തുല്‍ ഇസ്‌ലാം മദ്‌റസയില്‍ സംഘടിപ്പിച്ച ക്യാംപ് എടവക ഗ്രാമ പഞ്ചായത്ത് പ്രസിഡന്റ് ഉഷാ വിജയന്‍ ഉദ്ഘാടനം ചെയ്തു. മഹല്ല് പ്രസിഡന്റ് അലി ബ്രാന്‍ അധ്യക്ഷനായി. സൂപ്പി കല്ലങ്കോടന്‍ മുഖ്യപ്രഭാഷണം നടത്തി. നജ്മുദ്ദീന്‍ മൂടമ്പത്ത്, പി.ആര്‍ വെള്ളന്‍, കെ.പി അബ്ദുല്‍ നാസര്‍, പി.ജെ ഷാജു, സി.സി ജോണി, ഫാത്തിമ ബീഗം, സത്താര്‍ മാസ്റ്റര്‍, ജലില്‍ ഫൈസി, ബാരിക്കല്‍ നൗഷാദ് എന്നിവര്‍ സംസാരിച്ചു. 500 ഓളം പേര്‍ ക്യാംപില്‍ പങ്കെടുത്തു.