മൂന്നാര്‍: വിദേശികള്‍ സഞ്ചരിച്ച ഓട്ടോറിക്ഷ നിയന്ത്രണംവിട്ട് മറിഞ്ഞ് രണ്ടുപേര്‍ക്ക് പരുക്കേറ്റു. ജര്‍മ്മിനി സ്വദേശികളായ ഫ്രന്‍സ് (67), ബെറൂന്‍ ഹാര്‍ട്ട് (65) എന്നിവര്‍ക്കാണ് പരുക്കേറ്റത്.
മൂന്നാര്‍ സന്ദര്‍ശനത്തിനായി ഇന്നലെ ഉച്ചയ്ക്കാണ് സംഘം എത്തിയത്. ടൗണിലെ ബസ് സ്റ്റോപ്പില്‍ നിന്നും മുറികാണുന്നതിനായി ഓേേട്ടായില്‍ സഞ്ചരിക്കവെ ശരവണഭവന്‍ ഹോട്ടലിന് സമീപത്തെ കുത്തിറക്കത്തില്‍ നിയന്ത്രണംവിട്ട് അമ്പതടി താഴ്ചയുള്ള വീടിന് മുകളിലേക്ക് മറിയുകയായിരുന്നു. സമീപവാസികളാണ് ഇവരെ ടാറ്റ ടീ ജനറല്‍ ആശുപത്രിയില്‍ എത്തിച്ചത്. ആരുടെയും നില ഗുരുതരമല്ല.