ന്യൂഡല്‍ഹി: ഇന്ത്യയിലെ റഷ്യന്‍ അംബാസഡര്‍ അലക്‌സാണ്ടര്‍ കഡാകിന്‍ അന്തരിച്ചു. 67 വയസ്സായിരുന്നു. ഹൃദയാഘാതം മൂലം ഇന്ന് രാവിലെയായിരുന്നു അന്ത്യം.

2009 മുതല്‍ കഡാകിന്‍ റഷ്യന്‍ അംബാസഡറായി ഇന്ത്യയില്‍ സേവനം അനുഷ്ഠിക്കുന്നുണ്ട്.

1949 ജൂലൈ 22ന് യു.എസ്.എസ്.ആറിലെ ചിസിനാവുവില്‍ ജനിച്ച കഡാകിന്‍ 1971ലാണ് ഇന്ത്യയിലെ റഷ്യന്‍ എംബസിയില്‍ സേവനമാരംഭിച്ചത്. വിദേശകാര്യ വക്താവ് വികാസ് സ്വരൂപാണ് മരണവിവരം പുറത്തുവിട്ടത്.