ശ്രീനഗര്‍: ജമ്മു കശ്മിരിലെ ഗുരെസ് സെക്ടറില്‍ ഹിമപാതത്തില്‍  കൊല്ലപ്പെട്ട സൈനികരുടെ എണ്ണം പത്തായി. ഏതാനും പേരെ കാണാതായിട്ടുണ്ട്. ഇന്ന് പുലര്‍ച്ചെയാണ്  അപകടമുണ്ടായത്.മോശം കാലാവസ്ഥയും കനത്ത മഞ്ഞു വീഴ്ചയും മൂലം രക്ഷാ പ്രവർത്തനം ദുഷ്കരമായിരിക്കുകയാണ്. ഇന്ന് രാവിലെയാണ് മരിച്ച മൂന്ന് പേരുടെ മൃതദേഹങ്ങള്‍ കണ്ടെത്തിയത്. ഏഴ് പേരെ രക്ഷപ്പെടുത്തി. 

ഇന്നലെ കശ്മിരിലെ ഗന്ദര്‍ബാല്‍ ജില്ലയിലെ സൈനിക ക്യാമ്പിലുണ്ടായ മഞ്ഞിടിച്ചിലില്‍ ഒരു സൈനികന്‍ കൊല്ലപ്പെടുകയും നാലു സൈനികര്‍ക്ക് പരുക്കേല്‍ക്കുകയും ചെയ്തിരുന്നു.

ശക്തമായ മഞ്ഞുവീഴ്ചയെ തുടർന്നു ശ്രീനഗർ–ജമ്മു ദേശീയപാത അടച്ചു.