മൂന്നാര്‍: വിജിലന്‍സ് ഡയറക്ടര്‍ ജേക്കബ് തോമസിന്റെ നേത്യത്വത്തിലുള്ള സംഘം ഇടമലക്കുടി സന്ദര്‍ശിച്ചു. ഇടമലക്കുടിയിലെ ആദിവാസി ഫണ്ട് വിനിയോഗം സംബന്ധിച്ച അന്വേഷണത്തിനും വിവരശേഖരണത്തിനുമായാണ് സംഘമെത്തിയത്.
ഇന്നലെ രാവിലെ മൂന്നാറില്‍ നിന്നും പുറപ്പെട്ട സംഘം ഇടലിപ്പാറ, സൊസൈറ്റി കൂടി, ഇരുപ്പംകല്ല്, ഷെഡ്കൂടി എന്നിവടങ്ങളില്‍ സന്ദര്‍ശനം നടത്തി. ഇടലിപ്പാറ, സൊസൈറ്റി കൂടി എന്നിവടങ്ങളിലെ സ്‌കൂളുകളും, ആരോഗ്യ ഉപകേന്ദ്രവും വിജിലന്‍സ് സംഘം സന്ദര്‍ശിച്ചു.
തുടര്‍ന്ന് സൊസൈറ്റിക്കടിയിലെ പഞ്ചായത്ത് ആസ്ഥാനത്ത് നടന്ന യോഗത്തില്‍ വിവിധ വകുപ്പ് ഉദ്യോഗസ്ഥരില്‍ നിന്നും പൊതുജനങ്ങളില്‍ നിന്നും വിവരങ്ങള്‍ ശേഖരിച്ചു. രാത്രിയോടെ വാല്‍പ്പാറ വഴി മടങ്ങി.