പെരിന്തല്‍മണ്ണ: എസ്.എസ്.എല്‍.സി പരീക്ഷക്ക് വിദ്യാര്‍ഥികളെ തയാറെടുപ്പിക്കുന്നതിനു നിയോജക മണ്ഡലം എം.എഫ്.എഫ് കമ്മിറ്റി സംഘടിപ്പിക്കുന്ന ഒരുക്കം പരീക്ഷ ക്യാംപയിനു പുലാമന്തോള്‍ പഞ്ചായത്തിലെ തിരുനാരായണ പുരത്ത് തുടക്കമായി.
മണ്ഡലത്തില്‍ യൂനിറ്റ്, മേഖല തലങ്ങളിലായി അന്‍പതോളം ക്യാംപുകള്‍ സംഘടിപ്പിക്കും. വിവിധ മേഘലകളില്‍ കഴിവ് തെളിയിച്ച പ്രഗത്ഭരുടെ മോട്ടിവേഷന്‍ ക്ലാസുകള്‍, മാതൃകാ പരീക്ഷകള്‍, രാത്രികാല, ഒഴിവുദിവസ ക്ലാസുകള്‍ എന്നിവയാണ് ക്യാംപയിനില്‍ ഉള്‍പ്പെടുത്തിയിരിക്കുന്നത്. നിയോജകമണ്ഡലം തല ഉദ്ഘാടനം ജില്ലാപഞ്ചായത് മെമ്പറും മുസ്‌ലിംലീഗ് ജില്ലാ സെക്രട്ടറിയുമായ സലീം കുരുവമ്പലം ഉദ്ഘാടനം ചെയ്തു. മുബാറക്ക് മലയില്‍ അധ്യക്ഷനായി. ജെ.സി.ഐ ചെര്‍പ്പുളശേരി ചാപ്റ്റര്‍ പ്രസിഡന്റ് പി സക്കീര്‍ ഹുസൈന്‍ മാരായമംഗലം ക്ലാസിനു നേതൃത്വം നല്‍കി.
ജില്ലാ എം.എസ്.എഫ് വിങ് കണ്‍വീനര്‍ സലാം മണലായ, യൂത്ത് ലീഗ് പുലാമന്തോള്‍ പഞ്ചായത്ത് സെക്രട്ടറി ബഷീര്‍ വാഫി, മണ്ഡലം എം.എസ്.എഫ് ഭാരവാഹികളായ ആഷിക് പുലാമന്തോള്‍, ഷാഫി ചുങ്കത്ത്, മുറത്ത് പി.ടി, നിയാസ് പാറക്കടവ്, അനസ് കുമ്പളക്കുഴി, ശുക്കൂര്‍ യു.പി, അന്‍സാര്‍ കെ.കെ സംസാരിച്ചു.