വേങ്ങര: സേവനവീഥിയില്‍ പുതുചരിതം രചിച്ച ഓണ്‍ലൈന്‍ കൂട്ടായ്മ അഭയാര്‍ഥികള്‍ക്ക് വസ്ത്ര ശേഖരമൊരുക്കി മാതൃകയായി.
മുസ്‌ലിം ലീഗിന്റെ ഓണ്‍ലൈന്‍ കൂട്ടായ്മയായ പറപ്പൂര്‍ ചേക്കാലി മാട് യൂത്ത് വോയ്‌സും ഊരകം നെല്ലിപ്പറമ്പ് ഹരിത തീരം കൂട്ടായ്മയുമാണ് റോഹിങ്ക്യന്‍ അഭയാര്‍ഥികള്‍ക്ക് വസ്ത്രം ശേഖരിച്ച് അയച്ചത്. പറപ്പൂര്‍ ചേക്കാലിമാട് നടന്ന ചടങ്ങില്‍ വേങ്ങര ബ്ലോക്ക് പ്രസിഡന്റ് പി.കെ.അസ്‌ലു ഫഌഗ് ഓഫ് ചെയ്തു. വി.എസ്.ബഷീര്‍ അധ്യക്ഷനായി. ഇ.കെ.സുബൈര്‍, വി.കെ.അമീര്‍, ഇ.കെ.സൈദുബിന്‍, പി.മുജീബ്, തുടങ്ങിയവര്‍ നേതൃത്വം നല്‍കി.