റിയാദ്: യമനില്‍നിന്നു ഹൂതി വിമതര്‍ തൊടുത്തു വിട്ട റോക്കറ്റ് പതിച്ച് സഊദിയിലെ യുഎന്‍ ഓഫീസിനു കേടുപാടുകള്‍ സംഭവിച്ചു. സഊദിയുടെ തെക്കന്‍ മേഖലയിലെ അസീര്‍ പ്രവിശ്യയിലെ യുഎന്‍ ഓഫീസാണ് തിങ്കളാഴ്ച നടന്ന ആക്രമണത്തില്‍ തകര്‍ന്നത്.

ആക്രമണത്തില്‍ ദഹ്‌റാന്‍ അല്‍ ജുനൂബിലെ കെട്ടിടത്തിന്റെ പ്രവേശന കവാടത്തിനും ചില്ലുകള്‍ക്കും സാരമായി കേടുപാടുകള്‍ സംഭവിച്ചിട്ടുണ്ട്.

സഊദി അതിര്‍ത്തി പ്രദേശത്തെ യമന്‍ ഭാഗത്ത് നിന്ന് കത്യൂഷ റോക്കറ്റ് ആക്രമണമാണ് നടന്നതെന്ന് വാര്‍ത്താ എജന്‍സികള്‍ റിപ്പോര്‍ട്ട് ചെയ്തു. എന്നാല്‍ സംഭവത്തെ കുറിച്ച് യുഎന്‍ ഇതുവരെ പ്രതികരിച്ചിട്ടില്ല.