ന്യൂഡല്‍ഹി: കോണ്‍ഗ്രസിന് കേന്ദ്ര തെരഞ്ഞെടുപ്പ് കമ്മിഷന്റെ അന്ത്യശാസനം. 2017 ജൂണ്‍ 30 നകം സംഘടനാ തെരഞ്ഞെടുപ്പ് പൂര്‍ത്തിയാക്കണമെന്ന് കമ്മിഷന്‍ കോണ്‍ഗ്രസിനോട് ആവശ്യപ്പെട്ടു. നിരവധി തവണ സമയം നീട്ടി നല്‍കി. ഇനി സമയം അനുവദിക്കാനാവില്ലെന്നും കമ്മിഷന്‍ വ്യക്തമാക്കി.

സംഘടനാ തിരഞ്ഞെടുപ്പു നീട്ടിവയ്ക്കാന്‍ അനുവദിക്കണമെന്നാവശ്യപ്പെട്ട് 2015 സെപ്റ്റംബര്‍ മുതല്‍ രണ്ടു തവണ കോണ്‍ഗ്രസ് തെരഞ്ഞെടുപ്പ് കമ്മിഷനെ സമീപിച്ചിരുന്നു. ജൂലായ് 15 നകം പുതിയ ഭാരവാഹികളുടെ പട്ടിക സമര്‍പ്പിക്കാമെന്ന് കമ്മീഷനെ കോണ്‍ഗ്രസ് അറിയിച്ചിരുന്നു. എന്നാല്‍ അധിക സമയം അനുവദിക്കാന്‍ കമ്മീഷന്‍ തയ്യാറായില്ല.