ന്യൂഡല്‍ഹി: 2017-18 സാമ്പത്തിക വര്‍ഷത്തിലെ ജി.ഡി.പി വളര്‍ച്ചാനിരക്ക് ഗണ്യമായി കുറയുമെന്ന റിപ്പോര്‍ട്ട് പുറത്തുവന്നതിനു പിന്നാലെ, പ്രധാനമന്ത്രി നരേന്ദ്ര മോദിയെയും ധനമന്ത്രി അരുണ്‍ ജയ്റ്റ്‌ലിയെയും വിമര്‍ശിച്ച് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. ട്വിറ്ററിലൂടെയാണ് രാഹുല്‍ ഗാന്ധി പരിഹാസത്തോടെയുള്ള വിമര്‍ശനം(സര്‍ക്കാസം) .

''ധനമന്ത്രി അരുണ്‍ ജയ്റ്റ്‌ലിയുടെ പ്രതിഭ മോദിയുടെ ഗ്രോസ് ഡിവൈസീവ് പൊളിറ്റിക്‌സി (ജി.ഡി.പി)- (മൊത്ത വിഭജന രാഷ്ട്രീയം) നോടൊപ്പം ചേര്‍ത്ത് രാജ്യത്തിനു നല്‍കിയത്:

പുതിയ നിക്ഷേപം- 13 വര്‍ഷം പിറകോട്ട്
ബാങ്ക് ക്രെഡിറ്റ് വളര്‍ച്ച- 63 വര്‍ഷം പിറകോട്ട്
ജോലി സൃഷ്ടിക്കല്‍- 8 വര്‍ഷം പിറകോട്ട്
കാര്‍ഷിക ജി.വി.എ വളര്‍ച്ച- 1.7 ശതമാനം
ധനകമ്മി- എട്ടു വര്‍ഷത്തിനിടെ ഏറ്റവും കൂടുതല്‍''

രാജ്യത്തെ ജി.ഡി.പി വളര്‍ച്ചാ നിരക്ക് കുത്തനെ ഇടിഞ്ഞ് 6.5 ശതമാനം മാത്രമായിരിക്കുമെന്ന് സെന്‍ട്രല്‍ സ്റ്റാറ്റിസ്റ്റിക്‌സ് ഓഫിസ് റിപ്പോര്‍ട്ട് ഇന്നലെ പുറത്തുവന്നിരുന്നു. കഴിഞ്ഞവര്‍ഷം ജി.ഡി.പി 7.1 ആയിരുന്നു. കൂടാതെ, ഭക്ഷ്യോല്‍പാദനത്തിനും ഗണ്യമായ കുറവുണ്ടാകുമെന്ന് കണക്കാക്കിയിരുന്നു.