തിരുവനന്തപുരം: ഇ. അഹമ്മദ് എം.പിയുടെ മരണവുമായി ബന്ധപ്പെട്ട് ഉയര്‍ന്ന ആരോപണങ്ങള്‍ ഉന്നതതല സമിതി അന്വേഷിക്കണമെന്ന് സി.പി.എം പൊളിറ്റ് ബ്യൂറോ അംഗം എം.എ. ബേബി ആവശ്യപ്പെട്ടു. അഹമ്മദിന്റെ മരണത്തെക്കുറിച്ച് ഉയര്‍ന്നിരിക്കുന്ന ആക്ഷേപങ്ങളില്‍ വസ്തുതകളുണ്ടെങ്കില്‍ അത് ഗുരുതരമായ കാര്യമാണ്. അക്കാര്യത്തില്‍ അന്വേഷണം നടത്തി നടപടിയെടുക്കാനുള്ള ബാധ്യത സര്‍ക്കാരിനുണ്ടെന്നും അദ്ദേഹം പറഞ്ഞു.
ബന്ധുക്കളുടെ അനുമതിയില്ലാതെ വെന്റിലേറ്റര്‍ സംവിധാനം മാറ്റിയതായും പ്രമുഖ ഡോക്ടര്‍മാരായ മക്കള്‍ കരഞ്ഞുപറഞ്ഞിട്ടും അദ്ദേഹത്തെ കാണാന്‍ അനുവദിച്ചില്ലെന്നും ആരോപണമുണ്ട്. ആരോപണങ്ങള്‍ ഉന്നതതല സമിതിയെ കൊണ്ട് അന്വേഷിക്കാന്‍ സര്‍ക്കാര്‍ തയാറാകണമെന്നും എം.എ ബേബി ആവശ്യപ്പെട്ടു.