മുംബൈ: പൊതുമേഖലാ ബാങ്കുകളുടെ മൂലധന നിക്ഷേപത്തിനായി 10,000 കോടി രൂപ ബജറ്റില്‍ വകയിരുത്തിയതോടെ സെന്‍സെക്‌സ് കുതിച്ചുയര്‍ന്നു. 500 പോയിന്റ് ഉയര്‍ച്ചയിലാണ് ഇന്നലെ വ്യാപാരം അവസാനിപ്പിക്കുമ്പോള്‍ ബാങ്കുകളുടെ ഓഹരികള്‍ ഉയര്‍ന്നത്.
അതേസമയം ബജറ്റ് പ്രഖ്യാപനം ഇന്ത്യന്‍ ഓഹരി വിപണിയില്‍ വലിയ ഉണര്‍വാണ് ഉണ്ടാക്കിയത്. നേരിയ നേട്ടത്തോടെ വ്യാപാരം തുടങ്ങിയ ഓഹരി വിപണി വൈകുന്നേരത്തോടെ നില മെച്ചപ്പെടുത്തി. സെന്‍സെക്‌സ് 345 പോയിന്റ് നേട്ടത്തോടെ 28,001 എന്ന നിലയിലും നിഫ്റ്റി 50 പോയന്റിന്റെ നേട്ടത്തോടെ 8,641 എന്ന നിലയിലുമാണ് വ്യാപാരം തുടര്‍ന്നത്. ഇന്ത്യന്‍ രൂപയും യുഎസ് ഡോളറിനെതിരേ നേട്ടം രേഖപ്പെടുത്തി.