ബദിയടുക്ക: പൂട്ടിയിട്ട വീടിന്റെ വാതില്‍ തകര്‍ത്തു പ്രതിശ്രുത വധുവിന്റെ പത്തു പവന്‍ സ്വര്‍ണം കവര്‍ന്നതായി പരാതി. ബദിയടുക്കക്കു സമീപം ബാറടുക്കയിലെ ശാരദയുടെ മകള്‍ നിഷയുടെ സ്വര്‍ണമാണു നഷ്ടപ്പെട്ടത്. കഴിഞ്ഞ ദിവസം വൈകുന്നേരം അഞ്ചിനും ഏഴിനുമിടയിലായിരുന്നു കവര്‍ച്ച. വീട് പൂട്ടി അമ്മയും മകളും ബദിയടുക്ക ടൗണില്‍ പോയപ്പോഴായിരുന്നു സംഭവം.
നാലു പവന്‍ വീതമുള്ള രണ്ടു വളകളും ഒരു പവന്‍ വീതമുള്ള രണ്ടു കൈചെയ്‌നുകളുമാണു മോഷണം പോയത്. ഗള്‍ഫില്‍ ജോലിയിലുണ്ടായിരുന്ന നിഷ രണ്ടു മാസം മുന്‍പാണ് നാട്ടിലെത്തിയത്. നിഷയുടെ വിവാഹം മാര്‍ച്ച് ആദ്യ വാരം നടത്താന്‍ നിശ്ചയിച്ചിരിക്കുകയാണ്.
വീട്ടുകാര്‍ ബദിയടുക്ക പൊലിസില്‍ നല്‍കിയ പരാതിയുടെ അടിസ്ഥാനത്തില്‍ വിരലടയള വിദഗ്ദര്‍ സ്ഥലത്തത്തി പരിശോധന നടത്തി.