റിയാദ്: സഊദിവല്‍ക്കരണം നടപ്പിലാക്കിയ ജ്വല്ലറികളില്‍ ജോലി ചെയ്ത അഞ്ചു വിദേശികളെ സഊദി തൊഴില്‍ സാമൂഹിക വികസന മന്ത്രാലയം അധികൃതര്‍ പിടികൂടി. ജിദ്ദ നഗരത്തില്‍ നടത്തിയ പരിശോധനയിലാണ് വിദേശികളെ പിടികൂടിയത്. തുടര്‍ന്ന് പൊലിസിന്റെ സാന്നിധ്യത്തില്‍ മന്ത്രാലയ അധികൃതര്‍ സ്ഥാപനങ്ങള്‍ അടപ്പിക്കുകയും വിദേശികളെ കസ്റ്റഡിയില്‍ എടുക്കുകയും ചെയ്തു. ഒരു മാസം മുന്‍പാണ് ജ്വല്ലറികളില്‍ സമ്പൂര്‍ണ്ണ സ്വദേശി വത്ക്കരണം പ്രഖ്യാപിച്ചത്. ഇതിനു ശേഷം നിയമ ലംഘനം കണ്ടെത്തുന്നതിനായി ശക്തമായ പരിശോധനയാണ് നടക്കുന്നത്.