ദോഹ: വലിയ വിനോദ സഞ്ചാര കപ്പലുകളിലൊന്നായ എം.എസ്.സി.സ്‌പ്ലെന്‍ഡിഡ ദോഹ തുറമുഖത്ത് എത്തിച്ചേര്‍ന്നു. കഴിഞ്ഞ ദിവസം എത്തിച്ചേര്‍ന്ന കപ്പലില്‍ 3700 യാത്രക്കാരും 1314 ജീവനക്കാരുമാണുള്ളത്.
ദോഹ പോര്‍ട്ടില്‍ ഇതുവരെ എത്തിച്ചേര്‍ന്നതില്‍ ഏറ്റവും കൂടുതല്‍ വിനോദ സഞ്ചാരികള്‍ എത്തിച്ചേര്‍ന്ന കപ്പലാണ് എം.എസ്.സി സ്‌പ്ലെന്‍ഡിഡയെന്ന് ഖത്തര്‍ പോര്‍ട്‌സ് മാനേജ്‌മെന്റ് കമ്പനി (മവാനി) ട്വീറ്റ് ചെയ്തു. എം.എസ്.സി.സ്‌പ്ലെന്‍ഡിഡയുടെ വരവ് ഖത്തറിലെ ക്രൂയിസ് ടൂറിസത്തിലെ നാഴിക കല്ലാണെന്നും മവാനി കൂട്ടിച്ചേര്‍ത്തു.