മുക്കം: നാലു ദിവസമായി മുക്കം നഗരസഭയിലെ കയ്യിട്ടാപൊയിലില്‍ നടന്നുവരുന്ന ബിവറേജസ് വിരുദ്ധ ഇരിപ്പുസമരത്തിനു പിന്തുണയുമായി വിദ്യാര്‍ഥികള്‍. മുക്കം ഓര്‍ഫനേജ് ഗേള്‍സിലെ വിദ്യാര്‍ഥികളാണ് സമരത്തിന് ഐക്യദാര്‍ഢ്യം പ്രഖ്യാപിച്ച് സമപരപന്തലിലെത്തിയത്.
മദ്യത്തിനും മയക്കുമരുന്നിനുമെതിരേയുള്ള പ്ലക്കാഡുകളുമായാണ് വിദ്യാര്‍ഥികള്‍ സമരപന്തല്‍ സന്ദര്‍ശിച്ചത്.
തുടര്‍ന്നു നടന്ന യോഗം ഓര്‍ഫനേജ് ഗേള്‍സ് സ്‌കൂള്‍ പ്രധാനാധ്യാപകന്‍ പി. അബ്ദു ഉദ്ഘാടനം ചെയ്തു. ആക്ഷന്‍ കമ്മിറ്റി ചെയര്‍മാന്‍ പി. ബ്രിജേഷ് അധ്യക്ഷനായി. ഹര്‍ഷല്‍ പറമ്പില്‍, ടി. റിയാസ്, രവീന്ദ്രന്‍ എടക്കണ്ടി, ശ്രീലക്ഷ്മി, നിഹില ഷെറിന്‍, ടി. അജയ് നടുത്തേടത്ത് സംസാരിച്ചു. മുക്കം ബ്ലോക്ക് കോണ്‍ഗ്രസ് ഭാരവാഹികളും കഴിഞ്ഞ ദിവസം സമരത്തിന് പിന്തുണയുമായെത്തിയിരുന്നു.