മുംബൈ: ശിവസേന മുന്‍ നേതാവ് അജ്ഞാതരുടെ ആക്രമണത്തില്‍ കൊല്ലപ്പെട്ടു. അശോക് സാവന്ത് (62) ആണ് കൊല്ലപ്പെട്ടത്. ഞായറാഴ്ച രാത്രി 11 ഓടെയാണ് ഇദ്ദേഹം വെടിയേറ്റ് മരിച്ചത്.

സുഹൃത്തുക്കളുമായുള്ള ചര്‍ച്ചയ്ക്ക് ശേഷം വീട്ടിലേക്ക് വരവേ സമതാ നഗറില്‍ വീടിന് 200 മീറ്റര്‍ അകലെ വച്ച് ഇദ്ദേഹത്തെ അജ്ഞാതര്‍ ആക്രമിക്കുകയായിരുന്നു. ആക്രമിക്കപ്പെട്ട ഇദ്ദേഹത്തെ നാട്ടുകാര്‍ ആശുപത്രിയില്‍ എത്തിച്ചെങ്കിലും മരണപ്പെട്ടിരുന്നു. രണ്ടു തവണ ശിവസേനയുടെ പ്രാദേശികനേതാവായി ഇദ്ദേഹം തെരഞ്ഞെടുക്കപ്പെട്ടിട്ടുണ്ട്.