പട്ടിക്കാട്: ജനുവരി 17 മുതല്‍ 21 വരെ നടക്കുന്ന പട്ടിക്കാട് ജാമിഅ നൂരിയ്യ അറബിയ്യയുടെ 55ാം വാര്‍ഷിക 53ാം സനദ് ദാന സമ്മേളനത്തിന്റെ പ്രചാരണാര്‍ഥം തഹ്‌രീക് സ്റ്റുഡന്റ്‌സ് എംപവര്‍മെന്റ് പ്രോഗ്രാമിന്റെ ഭാഗമായി ജാമിഅ നൂരിയ്യ വിദ്യാര്‍ഥി സംഘടന നൂറുല്‍ ഉലമ നേതൃസ്മൃതിയാത്ര സംഘടിപ്പിച്ചു. ജാമിഅയില്‍ സേവനം ചെയ്ത് മണ്‍മറഞ്ഞുപോയ ഗുരുക്കന്‍മാരുടെ മഖാമുകളിലേക്ക് സംഘടിപ്പിച്ച സ്മൃതിയാത്രക്ക് ഹംസ ഫൈസി അല്‍ ഹൈത്തമി നേതൃത്വം നല്‍കി.
വരക്കല്‍ മഖാമില്‍ നടന്ന സിയാറത്തിന് കോഴിക്കോട് വലിയ ഖാസി പാണക്കാട് സയ്യിദ് നാസര്‍ഹയ്യ് ശിഹാബ് തങ്ങള്‍ നേതൃത്വം നല്‍കി. കണ്ണിയത്ത് ഉസ്താദ് മഖാം, കാളമ്പാടി മഖാം, കുമരംപുത്തൂര്‍ മഖാം, കെ.കെ ഹസ്രത്ത് മഖാം, മാമ്പുഴ മഖാം, താഴേക്കോട് ഉസ്താദ് മഖാം, കെ.സി ഉസ്താദ് മഖാം, കിടങ്ങഴി ഉസ്താദ് മഖാം, ബാപ്പുഹാജി മഖാം എന്നിവിടങ്ങളില്‍ നടന്ന സിയാറത്തിന് സമസ്ത കേന്ദ്ര മുശാവറ അംഗം ടി.പി മുഹമ്മദ് ഇപ്പ മുസ്‌ലിയാര്‍, പാണക്കാട് സയ്യിദ് ശമീറലി ശിഹാബ് തങ്ങള്‍, ഹംസ ഫൈസി അല്‍ ഹൈത്തമി, സുലൈമാന്‍ ഫൈസി ചുങ്കത്തറ, മുഹമ്മദലി ശിഹാബ് ഫൈസി കൂമണ്ണ, പാണക്കാട് സയ്യിദ് നൗഫല്‍ ശിഹാബ് തങ്ങള്‍, സയ്യിദ് സാദിഖ് ജമലുല്ലൈലി തങ്ങള്‍ നേതൃത്വം നല്‍കി. ഉവൈസ് പതിയാങ്കര, മുജ്തബ ആനക്കര, റിയാസ് വള്ളുവങ്ങാട്, ഉബൈദുല്ല കമാലി പങ്കെടുത്തു.