തൃക്കുന്നപ്പുഴ: കോട്ടേമുറി അഖില കേരള ധീവരസഭ 70-ാം നമ്പര്‍ ശാഖയുടെ കീഴിലുള്ള പണ്ഡിറ്റ് കറുപ്പന്‍ സ്മാരക ഗ്രന്ഥശാലയുടെ നേതൃത്വത്തില്‍ ഇന്നും നാളെയും  രാവിലെ ഒന്‍പത് മണി മുതല്‍ വൈകിട്ട് ഏഴ് മണിവരെ എട്ടാംക്ലാസ് മുതല്‍ പ്ലസ് ടു വരെയുള്ള കുട്ടികള്‍ക്കായി അവധിക്കാല പഠനക്കളരി സംഘടിപ്പിക്കുന്നു.
ഇന്ന് രാവിലെ 9.30ന്  സുരേഷ് നടരാജന്റെ അധ്യക്ഷതയില്‍ കൂടുന്ന യോഗത്തില്‍ തൃക്കുന്നപ്പുഴ ഗ്രാമപഞ്ചായത്ത് പ്രസിഡന്റ് അമ്മിണി ടീച്ചര്‍ പഠനക്കളരി ഉദ്ഘാടനം ചെയ്യും.
മുട്ടം സി.ആര്‍. ആചാര്യ, രാജീവന്‍ പുനര്‍ജ്ജനി, ബിജു മാവേലിക്കര, കൃഷണപിള്ള സമഭാവന, അശ്വതി സലികുമാര്‍ തുടങ്ങിയവര്‍ വിവിധ വിഷയങ്ങളില്‍ ക്ലാസെടുക്കും.   അഴിമതി രഹിത ഭരണവും കുട്ടികളും, ലഹരിക്കെതിരെ 'ഉണര്‍വ്' എന്നീ ലഘുചിത്ര പ്രദര്‍ശനങ്ങളും ഉണ്ടായിരിക്കും. സമാപന സമ്മേളനം  കെ. ലാല്‍ജി ഉദ്ഘാടനം ചെയ്യും. സുധിലാല്‍ തൃക്കുന്നപ്പുഴയുടെ അദ്ധ്യക്ഷതവഹിക്കും.
പ്ലസ് ടു പരീക്ഷയില്‍ എല്ലാ വിഷയത്തിനും എ-പ്ലസ് നേടിയ അശ്വതി സുരേഷ്  യു.എസ്.എസ് സ്‌കോളര്‍ഷിപ്പ് ജേതാവ് ആദിത്യവര്‍ഷ, ബ്ലോക്ക് പഞ്ചായത്ത് മെമ്പര്‍ റീന ബി, അനില്‍ ബി. കളത്തില്‍, കെ.സി. ശ്രീകുമാര്‍, സി രത്‌നകുമാര്‍, സുഗുണാനന്ദന്‍, എം.സത്യന്‍, സാബു ബാലാനന്ദന്‍, എം.സത്യന്‍, പ്രവീണ്‍ പ്രസന്നന്‍, പ്രകാശ് മേടയില്‍ എന്നിവര്‍ പങ്കെടുക്കും.