ഹരാരെ: സിംബാബ്‌വെ മുന്‍ പ്രസിഡന്റ് റോബര്‍ട്ട് മുഗാബെയുടെ ഭാര്യ ഗ്രെയ്‌സ് പി.എച്ച്.ഡിയെ കുറിച്ച് അഴിമതി വിരുദ്ധ സമിതി അന്വേഷണം നടത്തുന്നു. മുന്‍ പ്രഥമ വനിത ഡോക്ടറേറ്റ് തട്ടിപ്പിലൂടെ സ്വന്തമാക്കിയതാണെന്ന ആരോപണത്തെ തുടര്‍ന്നാണ് അന്വേഷണം പ്രഖ്യാപിച്ചിരിക്കുന്നത്.
കഴിഞ്ഞയാഴ്ച സിംബാബ്‌വെ സര്‍വകലാശാലയിലെ അധ്യാപകരാണ് ഇവരുടെ ഗവേഷണത്തെ കുറിച്ച് അന്വേഷണിക്കണമെന്ന ആവശ്യം ഉന്നയിച്ചത്. 2014ല്‍ സര്‍വകലാശാലാ ബിരുദം വാങ്ങി മാസങ്ങള്‍ക്കകം തന്നെ ഗ്രെയ്‌സ് ഡോക്ടറേറ്റ് സ്വന്തമാക്കിയതായാണ് ആരോപണം. വര്‍ഷങ്ങളെടുത്ത് നടത്തേണ്ട ഗവേഷണമാണ് ഇവര്‍ മാസങ്ങള്‍ കൊണ്ട് പൂര്‍ത്തീകരിച്ചത്. സിംബാബ്‌വെ സര്‍വകലാശാലയില്‍നിന്നു തന്നെയാണ് അവര്‍ ഡോക്ടറേറ്റ് നേടിയത്. നേരത്തെ ആരോപണം ഉയര്‍ന്നിരുന്നെങ്കിലും അക്കാദമിക രേഖ സമര്‍പ്പിച്ച് ഗ്രെയ്‌സ് ഇതിനെ മറികടന്നിരുന്നു.