HOME
DETAILS

ചട്ടഞ്ചാലില്‍ കണ്ടെത്തിയ തലയോട്ടി കാണാതായ യുവാവിന്റേത്

  
backup
February 05 2017 | 01:02 AM

%e0%b4%9a%e0%b4%9f%e0%b5%8d%e0%b4%9f%e0%b4%9e%e0%b5%8d%e0%b4%9a%e0%b4%be%e0%b4%b2%e0%b4%bf%e0%b4%b2%e0%b5%8d%e2%80%8d-%e0%b4%95%e0%b4%a3%e0%b5%8d%e0%b4%9f%e0%b5%86%e0%b4%a4%e0%b5%8d%e0%b4%a4%e0%b4%bf

ചട്ടഞ്ചാല്‍(കാസര്‍കോട്): ചട്ടഞ്ചാല്‍ കാവുംപള്ളം ഉക്രംപാടിയില്‍ ക്വാര്‍ട്ടേഴ്‌സിന് സമീപമുള്ള തെങ്ങിന്‍ തോട്ടത്തില്‍ കണ്ടെത്തിയ തലയോട്ടിയും അസ്ഥികൂടവും മൂന്ന് മാസം മുന്‍പ് കാണാതായ യുവാവിന്റേതാണെന്ന് പൊലിസ് തിരിച്ചറിഞ്ഞു.
കാവുംപള്ളത്തെ തെങ്ങ് കയറ്റത്തൊഴിലാളി സുനില്‍ കുമാറി(34)ന്റെ തലയോട്ടിയും അസ്ഥികൂടവുമാണെന്നാണ് പ്രാഥമിക വിവരം. കഴിഞ്ഞ ദിവസം വൈകിട്ട് ആറോടെയാണ് പാദൂര്‍ റോഡിനു സമീപം സ്വകാര്യ വ്യക്തിയുടെ തോട്ടത്തില്‍ തലയോട്ടി കണ്ടെത്തിയത്.
തുടര്‍ന്ന് നാട്ടുകാര്‍ വിവരമറിയിച്ചതിനെ തുടര്‍ന്ന് പൊലിസ് നടത്തിയ പരിശോധനക്കിടെ പരിസരത്ത് എല്ലിന്‍ കഷ്ണങ്ങളും കണ്ടെത്തി. തെങ്ങിന്‍തോട്ടത്തിന് തൊട്ടടുത്ത പറമ്പിലെ അക്വേഷ്യ മരത്തില്‍ മുണ്ടും സമീപം ഷര്‍ട്ടും ചെരുപ്പും ഉണ്ടായിരുന്നു.
കൂടാതെ സുനില്‍ ഉപയോഗിച്ചിരുന്ന മൊബൈല്‍ഫോണും സ്ഥലത്തുനിന്ന് കണ്ടെത്തിയിട്ടുണ്ട്. വസ്ത്രവും ചെരുപ്പും സുനില്‍ കുമാറിന്റേതാണെന്ന് ബന്ധുക്കള്‍ തിരിച്ചറിഞ്ഞു. മൂന്ന് മാസം മുന്‍പാണ് സുനില്‍ കുമാറിനെ കാണാതായത്. വിദ്യാനഗര്‍ പൊലിസ് അന്വേഷണം നടത്തിവരുന്നതിനിടയിലാണ് തലയോട്ടി കണ്ടെത്തിയത്.
അസ്ഥികൂടവും തലയോട്ടിയും പരിശോധനക്കായി പരിയാരം മെഡിക്കല്‍ കോളജിലേക്ക് കൊണ്ടുപോയി.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."