കൊണ്ടോട്ടി: കരിപ്പൂര്‍ വിമാനത്താവളം വഴി അനധികൃതമായി കടത്താന്‍ ശ്രമിച്ച 566 ഗ്രാം സ്വര്‍ണം എയര്‍ കസ്റ്റംസ് ഇന്റലിജന്‍സ് പിടികൂടി. മലപ്പുറം മുന്നിയൂര്‍ സ്വദേശി മുഹമ്മദ് അക്ബര്‍(23 )എന്ന യാത്രക്കാരനില്‍ നിന്നാണ്  സ്വര്‍ണം പിടികൂടിയത്.  എയര്‍ ഇന്ത്യ എക്‌സ്പ്രസിന്റെ ദുബൈ വിമാനത്തിലാണ് അക്ബര്‍ കരിപ്പൂരിലെത്തിയത്. പരിശോധന കഴിഞ്ഞ്  പുറത്തിറങ്ങിയ ഇയാളെ നിര്‍ഗമനഹാളിന്റെ വാതിലില്‍  കസ്റ്റംസ് തടഞ്ഞ് ബാഗേജ് പരിശോധിക്കുകയായിരുന്നു. ചെറിയ വാട്ടര്‍ കെറ്റിലിന്റെ അടിയില്‍ സ്വര്‍ണബിസ്‌ക്കറ്റുകള്‍ ചെറിയ കഷ്ണങ്ങളാക്കി ഒട്ടിച്ചുവച്ചാണ് ഇയാള്‍ കൊണ്ടുവന്നത്. പിടികൂടിയ സ്വര്‍ണത്തിന് 17,20,000  രൂപ വിലവരും.