മലാഗ: സ്പാനിഷ് ലാ ലിഗയില്‍ മലാഗക്കെതിരേ എസ്പാന്യോളിന് ഒരു ഗോളിന്റെ വിജയം. ഇതോടെ ലാ ലിഗ പോയിന്റ് പട്ടികയില്‍ എസ്പാന്യോള്‍ പതിനാലാം സ്ഥാനത്തെത്തി. നിലവില്‍ 18 മത്സരത്തില്‍ നിന്ന് ആറ് വിജയവും അഞ്ച് സമനിലയും ഏഴ് തോല്‍വിയുമുള്‍പെടെ 23 പോയിന്റാണ് എസ്പാന്യോളിനുള്ളത്. പതിനെട്ടാം മത്സരത്തില്‍ തോറ്റതാടെ മലാഗ പത്തൊമ്പതാം സ്ഥാനത്തെത്തി.
പതിനെട്ട് മത്സരത്തില്‍ നിന്ന് മൂന്ന് വിജയം മാത്രമാണ് മലാഗയുടെ സമ്പാദ്യം. രണ്ട് സമനിലയും 13 മത്സരത്തില്‍ തോല്‍വിയും മലാഗ ഏറ്റുവാങ്ങി. ശനിയാഴ്ച നടക്കുന്ന നാല് മത്സരങ്ങളില്‍ ഗറ്റാഫെ മലാഗയേയും ജിറോണ ലാല്‍പാല്‍മാസിനേയും നേരിടും. റയല്‍ മാഡ്രിഡ് വലന്‍സിയ മത്സരവും ലെവന്റെ സെല്‍റ്റാ വിഗോ മത്സരവും ശനിയാഴ്ച നടക്കും.
വിയ്യാ റയലുമായി റയല്‍ മാഡ്രിഡിന് ജയിക്കാനായല്‍ പോയിന്റ് പട്ടികയില്‍ ഒരു പടി മുന്നിലെത്താനാകും. സെല്‍റ്റാവിഗോയുമായുള്ള റയലിന്റെ കഴിഞ്ഞ മത്സരത്തിലെ സമനിലയാണ് റയലിനെ നാലാം സ്ഥാനത്തെത്തിച്ചത്.