ഇന്ത്യൻ ടി-20 ഓപ്പണർ അഭിഷേക് ശർമയെ പ്രശംസിച്ച് മുൻ ഇന്ത്യൻ നായകൻ സൗരവ് ഗാംഗുലി. അഭിഷേക് ശർമ്മ വൈകാതെ ഇന്ത്യൻ ഏകദിന ടീമിലേക്ക് തെരഞ്ഞെടുക്കപ്പെടുമെന്നാണ് ഗാംഗുലി അഭിപ്രായപ്പെട്ടത്. അഭിഷേക് ഒരു മാച്ച് വിന്നറാണെന്നും ഗാംഗുലി വ്യക്തമാക്കി. 

''അഭിഷേക് വളരെ മികച്ച താരമാണ്. അദ്ദേഹത്തെ കാണുന്നത് എനിക്ക് ഇഷ്ടമാണ്. 50 ഓവർ ഫോർമാറ്റിലേക്ക് അവൻ തെരഞ്ഞെടുക്കപ്പെടുമെന്ന് എനിക്കുറപ്പുണ്ട്. അവൻ ഒരു മാച്ച് വിന്നറാണ്'' സൗരവ് ഗാംഗുലി ഫ്രീ ഹിറ്റ് ബൈ ലെഗാസ്‌കിയിലെ അഭിമുഖത്തിൽ പറഞ്ഞു. 

നിലവിൽ നടന്നുകൊണ്ടിരിക്കുന്ന ടി-20 ലോകകപ്പിൽ ആദ്യം മോശം പ്രകടനം നടത്തിയ അഭിഷേക് കഴിഞ്ഞ സിംബാബ്‌വെക്കെതിരെയുള്ള മത്സരത്തിൽ അർദ്ധ സെഞ്ച്വറി നേടി പഴയ ഫോമിലേക്ക് തിരിച്ചെത്തിയിരുന്നു. 

ഗ്രൂപ്പ് ഘട്ടത്തിൽ മൂന്ന് മത്സരങ്ങളിലും താരം റൺസ് ഒന്നും നേടാതെയാണ് മടങ്ങിയത്. ആദ്യ മത്സരത്തിൽ അമേരിക്കക്കെതിരെയും, രണ്ടാം മത്സരത്തിൽ പാകിസ്ഥാനെതിരെയും റൺസ് നേടാത്ത അഭിഷേക് നെതർലാൻഡ്സിനെതിരെയും റൺസ് നേടാതെ മടങ്ങി. 

നമീബിയക്കെതിരായ മത്സരത്തിൽ അഭിഷേക് കളിച്ചിരുന്നില്ല. വയറിലുണ്ടായ അണുബാധ മൂലമാണ് അഭിഷേക് ശർമയ്ക്ക് നമീബിയക്കെതിരെയുള്ള മത്സരം നഷ്ടമായത്. തുടർന്ന് താരത്തെ ഡൽഹിയിലെ സ്വകാര്യ ആശുപത്രിയിലും പ്രവേശിപ്പിച്ചിരുന്നു. എന്നാൽ ഇന്ന് നടക്കുന്ന വെസ്റ്റ് ഇൻഡീസിനെതിരെയുള്ള നിർണായകമായ മത്സരത്തിന് മുന്നോടിയായി താരം ഫോമിലേക്ക് തിരിച്ചെത്തിയത് ഇന്ത്യക്ക് ആശ്വാസം പകരുന്നതാണ്. 

കൊൽക്കത്ത ഈഡൻ ഗാർഡൻസിലാണ് മത്സരം നടക്കുന്നത്. ഈ മത്സരം വിജയിക്കുന്നവർ സെമി ടിക്കറ്റെടുക്കും. വിൻഡീസിനെതിരെ പരാജയപ്പെട്ടാൽ ഇന്ത്യ ലോകകപ്പിൽ നിന്നും പുറത്താകും. 

സൂപ്പർ ഏട്ടിലെ ആദ്യ മത്സരത്തിൽ സൗത്ത് ആഫ്രിക്കയോട് പരാജയപ്പെട്ട ഇന്ത്യ സിംബാബ്വെക്കെതിരെയുള്ള മത്സരം വിജയിച്ചുകൊണ്ട് സെമി ഫൈനൽ സാധ്യതകൾ ശക്തമായി നിലനിനിർത്തുകയായിരുന്നു. സിംബാബ്‌വെയെ 72 റൺസിനാണ് ഇന്ത്യ കീഴടക്കിയത്. മത്സരത്തിൽ ആദ്യം ബാറ്റ് ചെയ്ത ഇന്ത്യ ഉയർത്തിയ 256 റൺസ് നേടിയപ്പോൾ വിജയലക്ഷ്യം പിന്തുടർന്ന സിംബാബ്‌വെ ഇന്നിങ്സിൽ 184 റൺസിൽ അവസാനിച്ചു. 

Former Indian captain Sourav Ganguly praised Indian T20 opener Abhishek Sharma. Ganguly opined that Abhishek Sharma will soon be selected for the Indian ODI team. Ganguly also stated that Abhishek is a match winner.