ഷാങ്ഹായ്: ഇറാനെതിരായ യു.എസ് - ഇസ്‌റാഈല്‍ സംയുക്ത ആക്രമണങ്ങളില്‍ ആശങ്ക പ്രകടിപ്പിച്ച് ചൈന. അടിയന്തര വെടിനിര്‍ത്തലിന് ആഹ്വാനം ചെയ്തു. സംഘര്‍ഷം ഒഴിവാക്കണമെന്നും സംഘര്‍ഷം രൂക്ഷമാകുന്നത് ഒഴിവാക്കാന്‍ ഇരു രാജ്യങ്ങളും ചര്‍ച്ച നടത്തണമെന്നും ചൈന അറിയിച്ചു.

ഇറാന്റെ പരമാധികാരം, സുരക്ഷ എന്നിവയെ മാനിക്കണമെന്നും ചൈന വിദേശകാര്യ മന്ത്രാലയം പുറത്തിറക്കിയ പ്രസ്താവനയില്‍ പറയുന്നു.  

ഇസ്‌റാഈലിലെ ചൈനീസ് പൗരന്മാര്‍ എത്രയും വേഗം രാജ്യത്തിനുള്ളിലെ സുരക്ഷിതമായ പ്രദേശങ്ങളിലേക്ക് മാറുകയോ തബ അതിര്‍ത്തി കടന്ന് ഈജിപ്തിലേക്ക് മാറുകയോ ചെയ്യണമെന്നും ചൈനീസ് എംബസി നിര്‍ദ്ദേശിച്ചു.

ALSO READ: 'ഖാംനഈയുടെ രക്തസാക്ഷിത്വം പോരാട്ടത്തിന് പുതിയ ഊര്‍ജ്ജം പകരും; ഇസ്‌റാഈല്‍ നേരിടാന്‍ പോവുന്നത് ചരിത്രത്തിലെ ഏറ്റവും വിനാശകരമായ തിരിച്ചടി'  മുന്നറിപ്പുമായി ഇറാന്‍ 

ഖാംനഈ കൊല്ലപ്പെട്ടതായി ഇന്ന് രാവിലെയാണ് ഇറാന്‍ ഔദ്യോഗികമായി സ്ഥിരീകരിക്കുന്നത്. 1989 മുതല്‍ ഇറാന്റെ പരമോന്നത നേതാവാണ് ആയത്തുല്ല അലി ഖാംനഈ. ഇറാനില്‍ 40 ദിവസത്തെ ദുഃഖാചരണം പ്രഖ്യാപിച്ചിട്ടുണ്ട്. ഏഴ് ദിവസം ഓഫിസുകള്‍ക്ക് അവധിയും പ്രഖ്യാപിച്ചു.

ഖാംനഈ കൊല്ലപ്പെട്ടന്ന് ഇസ്റാഈലും അമേരിക്കയും നേരത്തെ അവകാശപ്പെട്ടിരുന്നു. എന്നാല്‍ ഇക്കാര്യത്തില്‍ ഇറാന്‍ സ്ഥിരീകരണം നല്‍കിയിരുന്നില്ല. ഖാംനഈയുടെ മകളും ഭര്‍ത്താവും കൊച്ചുമകനും ആക്രമണത്തില്‍ കൊല്ലപ്പെട്ടിട്ടുണ്ട്.

ALSO READ: ഇസ്റാഈൽ-ഇറാൻ സംഘർഷം: താറുമാറായി മിഡിൽ ഈസ്റ്റിലെ വ്യോമ​ഗതാ​ഗതം; ഒറ്റദിവസം റദ്ദാക്കിയത് 700-ലധികം വിമാനങ്ങൾ

ഇതിന് പിന്നാലെ, ഖാംനഈയുടെ രക്തസാക്ഷിത്വത്തിന് പകരം വീട്ടുമെന്ന് ഇറാന്‍ പ്രഖ്യാപിച്ചിട്ടുണ്ട്. ഇസ്റാഈല്‍ നേരിടാന്‍ പോവുന്നത് ചരിത്രത്തിലെ ഏറ്റവും വിനാശകരമായ തിരിച്ചടിയെന്ന് ഇറാന്‍ മുന്നറിയിപ്പു നല്‍കുന്നു. ഖാംനഈയുടെ കൊലയാളികളോട് പ്രതികാരം ചെയ്യണമെന്ന് ഇറാന്റെ ഇസ്ലാമിക് റെവല്യൂഷനറി ഗാര്‍ഡ് ആഹ്വാനം ചെയ്തു.

China has expressed concern over the potential martyrdom of Iranian Supreme Leader Ali Khamenei amid escalating tensions in the Middle East. Calling for an immediate ceasefire, China urged all parties to exercise restraint and prevent further regional instability.