മലപ്പുറം: രാജ്യത്തിന്റെയും പ്രത്യേകിച്ച് കേരള സംസ്ഥാനത്തിന്റെയും സമ്പദ്‌വ്യവസ്ഥയുടെ നെടുംതൂണുകളാണ് സംസ്ഥാനത്തെ മുഴുവന്‍ പ്രവാസികളുമെന്നു സ്പീക്കര്‍ പി. ശ്രീരാമകൃഷ്ണന്‍. കേരളാ പ്രവാസി ഫെഡറേഷന്‍ സംസ്ഥാന കമ്മിറ്റിയുടെ ഈ വര്‍ഷത്തെ സഫിയ അജിത് പുരസ്‌കാര സമര്‍പ്പണവും മുഗള്‍ഗഫൂര്‍, സഫിയാ അജിത് അനുസ്മരണ സമ്മേളനവും പൊന്നാനി എരമംഗലത്ത് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഈ വര്‍ഷത്തെ പുരസ്‌കാര ജേതാവ് സി.പി.ഐ ദേശീയ എക്‌സിക്യൂട്ടീവ് അംഗവും പ്രവാസി ഫെഡറേഷന്‍ സംസ്ഥാന ജനറല്‍ സെക്രട്ടറിയുമായ കെ.ഇ ഇസ്മാഈലിന് സ്പീക്കര്‍ പുരസ്‌കാര സമര്‍പ്പണം നടത്തി. സി.പി.ഐ നേതാവ് അജിത് കൊളാടി അധ്യക്ഷനായി. പാലോളി അബ്ദുറഹ്മാന്‍, കലമാ സദാനന്ദന്‍, പി.കെ കൃഷ്ണദാസ്, കെ.ആര്‍ അജിത്, എന്‍.കെ സൈനുദ്ദീന്‍, സുലൈമാന്‍ നിലമേല്‍, അജ്മിന്‍ കരുവ, എം.കെ മുഹമ്മദ് സലീം, ടി.കെ ഫസലുല്‍ റഹ്മാന്‍, സി.ടി അബ്ദുല്ലക്കുട്ടി സംസാരിച്ചു.