ഹൈദരാബാദ്: വധഭീഷണിയെത്തുടര്‍ന്ന് മുഖ്യമന്ത്രി കെ. ചന്ദ്ര ശേഖര റാവുവിന്റെ സുരക്ഷ ശക്തമാക്കി. മാവോയിസ്റ്റ് സംഘങ്ങളില്‍ നിന്നാണ് മുഖ്യമന്ത്രിക്ക് നേരെ വധഭീഷണി ഉണ്ടായിരിക്കുന്നതെന്ന് സംസ്ഥാന പൊലിസ് രഹസ്യാന്വേഷണ വിഭാഗം അറിയിച്ചു. പ്രത്യേകം രൂപകല്‍പന ചെയ്ത ബുള്ളറ്റ് പ്രൂഫ് വാഹനമാണ് സുരക്ഷ മുന്‍നിര്‍ത്തി മുഖ്യമന്ത്രിക്ക് ഒരുക്കിയിട്ടുള്ളത്. അംഗരക്ഷക വാഹനങ്ങളുടെ എണ്ണവും വര്‍ധിപ്പിച്ചിട്ടുണ്ട്.


അക്രമികളെ അറസ്റ്റ് ചെയ്തു

അഗര്‍ത്തല:യുവതിയെ കൂട്ടബലാത്സംഗം ചെയ്ത മൂന്നുപേരെ പൊലിസ് അറസ്റ്റ് ചെയ്തു. അഗര്‍ത്തലക്കടുത്ത ഒരു തേയിലത്തോട്ടത്തില്‍ വച്ചായിരുന്നു സംഭവം. നാട്ടുകാരില്‍ ചിലരാണ് യുവതിയെ രക്ഷപ്പെടുത്തിയത്. യുവതി നല്‍കിയ വിവരത്തിന്റെ അടിസ്ഥാനത്തിലാണ് പ്രതികള്‍ പിടിയിലായത്.