മുംബൈ: ജൂലൈയില്‍ അരങ്ങേറുന്ന ഇംഗ്ലണ്ട് പരമ്പരയ്ക്ക് മുന്നോടിയായി ഇന്ത്യന്‍ ക്രിക്കറ്റ് ടീം അയര്‍ലന്‍ഡിലേക്ക് പര്യടനം നടത്തും. രണ്ട് മത്സരങ്ങളടങ്ങിയ ടി20 പരമ്പര കളിക്കാനായാണ് ഇന്ത്യ അയര്‍ലന്‍ഡിലെത്തുന്നത്. ജൂണ്‍ 27, 28 തിയതികളിലായി ഡബ്ലിനിലാണ് മത്സരം അരങ്ങേറുന്നത്. 2007ലാണ് അവസാനമായി ഇന്ത്യ അയര്‍ലന്‍ഡിലേക്ക് പര്യടനം നടത്തിയത്. അന്താരാഷ്ട്ര പോരാട്ടത്തില്‍ ഇന്ത്യ ഒരേയൊരു തവണ മാത്രമാണ് അയര്‍ലന്‍ഡുമായി ഏറ്റുമുട്ടിയിട്ടുള്ളത്. 2009ലെ ഐ.സി.സി ലോകകപ്പിലാണത്.