സുല്‍ത്താന്‍ ബത്തേരി: വൈ.എം.സി.എയുടെ നേതൃത്വത്തില്‍ സംഘടിപ്പിക്കുന്ന ഫാ. മത്തായി നൂറനാല്‍ മെമ്മോറിയല്‍ ട്രോഫിക്ക് വേണ്ടിയുള്ള 15ാമത് ജില്ലാ നഴ്‌സറി കലോത്സവം ഇന്ന് സുല്‍ത്താന്‍ ബത്തേരി സെന്റ് മേരിസ് കോളജ് ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. കലോത്സവം കഴിഞ്ഞവര്‍ഷത്തെ കലാപ്രതിഭ മുഹമ്മദ് അസിം അലിയും കലാതിലകങ്ങളായ ദേവിയ മേരി ബെനും, കെ.പി പാര്‍വ്വതിയും ഉദ്ഘാടനം ചെയ്യും. വാര്‍ത്താസമ്മേളനത്തില്‍ പ്രൊഫ. കെ.എം സണ്ണി, പ്രൊഫ. എ.വി തര്യത്, രാജന്‍ തോമസ്, ബെന്നിപോള്‍ പങ്കെടുത്തു.